उपल्लो डोल्पामा रहेको डोल्पोबुद्ध गाउँपालिका अध्यक्ष तेम्बा गुरुङ्ग सहित तीन वडा अध्यक्ष माओवादी केन्द्रमा प्रवेश गरेका छन् । आज एक कार्यक्रमका बिच माओबादी केन्द्रका अध्यक्ष पुष्पकमल दाहाल प्रचण्ड, कर्णाली प्रदेश इन्चार्ज तथा प्रतिनिधि सभा सदस्य शक्ति बस्नेत, अर्थमन्त्री जनार्दन शर्मा, पुर्व शान्ति मन्त्री तथा प्रतिनिधि सभा सदस्य सत्य पहाडीले जनप्रतिनिधि सहित दुई दर्जन धेरै युवालाइ पार्टीमा स्वागत गर्नुभएको छ ।
माओबादी केन्द्रमा प्रवेश गर्ने वडा अध्यक्षहरुमा वडा नम्बर १ का अध्यक्ष क्याल्पो थापा भोटे, वडा नम्बर २ का अध्यक्ष छोईक्याप भोटे, वडा नम्बर ३ का अध्यक्ष पाल्जाङ लामा र वडा नम्बर ६ का कार्यवाहक अध्यक्ष पेम्मा वाङछुक गुरुङ रहनुभएको छ । जनप्रतिनिधिसंगै दुई दर्जन धेरै स्थानीय युवाहरु समेत माओबादी केन्द्रमा प्रवेश गरेको बताइएको छ । प्रचण्ड सहित माओबादी केन्द्रका नेताहरु हेलिकोप्टर मार्फत उपल्लो डोल्पा पुगेका थिए । पार्टी प्रवेश गरेका जनप्रतिनिधिहरुले ६ बुँदे पत्र समेत बुझाएका छन् ।
