बाँफिकोट गाउँपालिका वडा नम्बर ९ भेराखेतमा सञ्चालित पुरुष भलिबल प्रतियोगिता सम्पन्न भएको छ । परम्परादेखि लाग्दै आएको भेराखेत मेलाको अवसरमा भेरा खेत स्टार युवा क्लवले आयोजना गरेको पुरुष भलिबल प्रतियोगिता आज सम्पन्न भएको हो । रुकुम पूर्व र पश्चिमका २४ टिमले प्रर्तिस्पर्धा गरेको भलिबल प्रतियोगितामा बाँफिकोट गाउँपालिका वडा नम्बर ४ प्रथम भएको छ ।
बाँफिकोट गाउँपालिका वडा नम्बर २ लाई ३-२ को सेट हराउँदै बाँफिकोट ४ प्रथम भएको हो । बाँफिकोट २ ले पहिलो दुई सेट आफ्नो पक्षमा पारे पनि लगातार पछिल्लो तीन सेट भने बाँफिकोट ४ ले आफ्नो पक्षमा पारेको थियो । पहिलो सेट २०-२५ दोस्रो सेट २४-२६ र तेस्रो सेट ११-१५ बिरुद्ध आफ्नो पक्षमा पार्दै बाँफिकोट ४ प्रथम भएको हो । प्रथम हुदै बाँफिकोट ४ ले नगद ६१ हजार पाँच सयको साथमा मेडल र प्रमाण पत्र प्राप्त गरेको छ ।
त्यस्तै दोस्रो हुने बाँफिकोट २ ले नगद ४१ हजार पाँच सयको साथमा मेडल र प्रमाण पत्र हात पार्दा बाँफिकोट गाउँपालिका वडा नम्बर १ पालाकोटले तेस्रो स्थानमा चित्त बुझाएको भेरा खेत स्टार युवा क्वलका अध्यक्ष गोपाल देवकोटाले जानकारी दिनु भयो । तेस्रो हुने पालाकोटले पनि नगद २५ हजार पाँच सयको साथमा मेडल र प्रमाण पत्रमा प्राप्त गरेको आयोजकले जनाएको छ ।
