छविलाल बिष्ट

रुकुम पश्चिमको सानीभेरी गाउँपालिका ३ बेल्टापुमा सुरु भएको खुला पालिका स्तरीय क्रिकेट प्रतियोगितामा जाजरकोटको पिपे युथ क्लबले विजयी सुरुवात गरेको छ । आज भएको उद्घाटन खेलमा पिपेले सानीभेरी गाउँपालिकाको सानीभेरी क्रिकेट क्लबलाई पराजित १६ रनले गरेको हो । टस जितेर पहिले ब्याटिङ रोजेको पिपेले निर्धारित १२ ओभरमा ८ विकेट गुमाउदै १ सय ८ रन बनाएको थियो ।

१ सय ९ रनको लक्ष पछ्याउदै जवाफि व्याटिङ गरेको सानीभेरीले निर्धारित १२ ओभरमा ७ विकेट गुमाउदै ९२ रन मात्र बनाउन सक्यो । अहिले दोस्रो खेल चलिरहेको छ । यो खेलमा मुसीकोट नगरपालिका र जाजरकोटको भेरी नगरपालिकाले प्रतिस्पर्धा गरिरहेका छन् । मुसीकोटले टस जितेर ब्याटिङ गरिरहेको छ । प्रतियोगितामा रुकुम पश्चिम र जाजरकोटका गरी ६ वटा टीमले भाग लिएका छन् । रुकुम पश्चिमको मुसीकोटका २, सानीभेरीका २ र जाजरकोटका २ टीमले सहभागिता जनाएका छन् ।