नेपाली कांग्रेस बाँफिकोट गाउँपालिका २, रुकुम पश्चिमको पार्टी कार्यालय उद्घाटन भएको छ । गाउँपालिका सभापति जनककुमार वाँठा मगर जेकेले कार्यालयको उद्घाटन गर्नुभएको हो । पार्टीका कामकाजलाई सहज बनाउनका लागि कार्यालय स्थापना गरिएको वडा सभापति प्रकाश खत्रीले बताउनुभयो ।
वडा सभापति खत्रीको अध्यक्षतामा भएको कार्यक्रममा गाउँपालिकाका उपभासपति नन्दराम खत्री, हुमलाल लामिछाने हरि मल्ल लगायतको आतिथ्यता रहेको थियो । वडा सचिव यामराज खत्रीले सञ्चालन गरेको कार्यक्रममा सहसचिव कैलाश पौडेलले स्वागत मन्तव्य राख्नु भएको थियो ।
सोही कार्यक्रममै प्रमुख अतिथि वाँठाले स्थानीय गोपाल खत्रीका जुम्ल्याहा बच्चाको दुधका लागि ७ हजार नगद सहयोग गर्नुभएको छ । ६ महिनासम्म दुध खुवाउन पुग्ने गरी उक्त नगद दिइएको हो । केही समय अघि गोपालकी श्रीमतीको भिरबाट खसेर मृत्यु भएको थियो । कार्यक्रममै बाँठाले लामाचौरको नहर सफाइका लागि २५ हजार नगद पनि सहयोग गरेको वडा सभापति खत्रीले जानकारी दिनुभयो ।
