रुकुम पश्चिमको चौरजहारी नगरपालिका वडा नम्बर ६ मा रहेको जनकल्याण माध्यमिक विद्यालय खागलका लेखा सहायक प्रबिन महताराले आफ्नो जन्मदिनको अवसरमा बिद्यार्थीहरुलाई स्टेशनरी सामग्री सहयोग गर्नुभएको छ । गरिब, जेहेन्दार तथा लगनशील विद्यार्थीहरु मध्येबाट ४ जना छात्र छात्राहरुलाई छनौट गरी सहयोग गर्नुभएको हो ।

कक्षा ६ की छात्रा दयालक्ष्मी वि.क, कक्षा ६ का छात्र गोपाल रोकाय, कक्षा ७ की छात्रा मनिषा बुढाथोकी र कक्षा ८ का छात्र लालबहादुर महतारालाई विभिन्न स्टेशनरी सामग्रि सहयोग गरेको लेखा सहायक महताराले बताउनुभयो । अनावश्यक खर्च गरेर जन्मदिन मनाउनु भन्दा गरिब, जेहेन्दार बिद्यार्थीलाई सहयोग गर्नु उचित ठानेको उहाँको भनाई छ । 

सामान्य तरिकाले जन्मदिन मनाउदा पनि धेरै खर्च हुने भएकाले जन्मदिन मनाउदा लाग्ने खर्चबाट बिद्यार्थीलाई सहयोग गरेको महताराले बताउनुभयो । यस्ता काम गर्न पाउँदा आफुलाई खुशि लाग्ने पनि उहाँले बताउनुभयो ।