रुकुम पश्चिमका एक जना युवाको शव फेला परेको छ । मुसीकोट नगरपालिका १०, गलमपाटीका ३३ वर्षीय रणबहादुर रोकाको शव भेटिएको जिल्ला प्रहरी कार्यालयले जनाएको छ । सोमबार विहान १० बजेको समयमा स्थानीयले शव भेटाएका थिए ।

शव देखेपछि प्रहरी खबर आएको घटना स्थलमा प्रहरी पुगेको जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिनुभयो । शव सडेगलेको अवस्थामा भेटिएको थियो । रोकाको शव गाउँ नजिकैको ग्वाला बस्ने भिरमा भेटिएको प्रहरीले बताएको छ ।

गत कात्तिक ९ गते घरबाट हराएका रोकाको जोजतलास भने भइरहेको थियो । हाल घटना स्थलमा प्रहरी चौकी झुल्खेटको टोली पुगेको छ । प्रहरी सहायक निरीक्षक चन्द्रबहादुर नेपाली नेतृत्वको ५ जनाको टोली घटना स्थल पुगेको छ ।