नेपाल कम्युनिष्ट पार्टी माओवादी केन्द्र रुकुम पश्चिम अन्तर्गत मुसीकोट नगरपालिका ६ मा मिलन बोहराको अध्यक्षतामा वडा समिति चयन भएको छ । आज भएको वडा सम्मेलनले बोहराको अध्यक्षतामा २९ सदस्यीय वडा समिति चयन गरेको हो । समितिको उपाध्यक्षमा निर्मला रसाइली, सचिव दिपेन्द्र महतरा, सह सचिवमा दिपक बोहरा र कोषाध्यक्षमा गणेश विक चयन भएका छन् ।

निवर्तमान वडाध्यक्ष नारायण केसीको अध्यक्षतामा भएको कार्यक्रममा पार्टीका कर्णाली प्रदेश सदस्य बुद्धिप्रसाद गौतम प्रदेश परिषद सदस्य भानु मल्ल, नगर सदस्य वसन्त गौतमको आतिथ्यता रहेको थियो । सम्मेलनमा पूर्व जनमुक्ति सेना, सहिद परिवार लगायत १९ जनालाई सम्ममान समेत गरिएको थियो । डिग्रे शाईकुमारी मेलाका कारण ४ गते वडा सम्मेलन आयोजना गरिएको थिएन ।