नेकपा माओवादी केन्द्र मुसीकोट नगरपालिका वडा नम्बर ६ ले २० जनालाई सम्मान गरेको छ । सहिद परिवार, पूर्व जनमुक्ति सेना, जनप्रतिनिधि र वडामा पार्टी निर्माणमा सहयोग गर्नेलाई माओवादीले सम्मान गरेको हो । दोस्रो वडा सम्मेलनको अवसर पारी विभिन्न व्यक्ति तथा परिवारलाई सम्मान गरेको नेकपा माओवादी केन्द्र मुसीकोट ६ ले जनाएको छ । सम्मानित हुनेमा सहिद धनबहादुर गिरी, कृष्णबहादुर बोहरा र नविन बोहराको परिवार छन् । 

पार्टी निर्माणमा सहयोग गर्ने नरेन्द्र बुढाको परिवारलाई पनि सम्मान गरिएको छ । त्यस्तै अनिल बुढा, रामबहादुर बुढा, खडानन्द शर्मा, प्रेम बोहरा, भानु मल्ल, शुशिल गौतम र मोहनकुमारी बुढापनि सम्मानित हुनुभएको छ । पार्टीले वडाका ५ जना जनप्रतिनिधिलाई समेत सम्मान गरेको छ । वडाध्यक्ष बसन्तकुमार गौतम सहित सदस्यहरु गम्मरसिङ बोहरा, भद्रबहादुर बोहरा, निर्मला रसाईली र सम्झना केसी सम्मानित हुनुभएको हो । प्रमाणपत्रका साथ दोसल्ला ओढाएर सम्मान गरिएको नेकपा माओवादी केन्द्र मुसीकोट ६ ले जनाएको छ ।