प्रचण्ड खत्री 

रुकुम पश्चिमको बाँफिकोट गाउँपालिका वडा नम्बर ४ छिनखेत बजारमा सरसफाई गरिएको छ । बजार व्यवस्थापन पुर्वाधार विकास केन्द्र छिनखेतको आयोजना र अस्थाई प्रहरी पोस्ट छिनखेतको सहजिकरणमा बजार सरसफाइ गरिएको केन्द्रका अध्यक्ष जोखबहादुर मल्लले जानकारी दिनुभयाे । 

बजार बिस्तार भए देखि पहिलो पटक सरसफाई गरिएको अध्यक्ष मल्लले बताउनुभयो । बजारमा थुप्रिएर रहेकाे फाेहाेर हटाइएकाे बताइएकाे छ । सरसफाइ कार्यक्रममा बजार व्यवशायि सहित स्थानीयकाे सहभागिता रहेको थियाे । सरसफाइ गरेपछि बजार चिटिक्क परेको स्थानीय व्यवशायि प्रशान्त रिजालले बताउनुभयाे । बिहान ७ बजेदेखी १० सम्म सरसफाई गरिएको हो । सरसफाइ कार्यक्रममा ५० जना भन्दा बढिकाे सहभागिता रहेकाे थियाे ।