नेकपा माओवादी केन्द्र रुकुम पश्चिमका ४ वटा पालिकाको सम्मेलन सुरु भएको छ । ६ वटा मध्य आज एकै दिन ४ वटा पालिकाको सम्मेलन सुरु भएको हो । चौरजहारी नगरपालिका, सानीभेरी गाउँपालिका र त्रिवेणि गाउँपालिकाको दोस्रो सम्मेलन पार्टीका स्थायी कमिटी सदस्य तथा संगठन विभाग प्रमुख जनादर्न शर्मा प्रभाकरले उद्घाटन गर्नुभयो ।
मुसीकोटको दोस्रो नगर सम्मेलन भने पार्टीका केन्द्रीय सदस्य तथा जिल्ला इन्चार्ज बसन्त शर्मा कुशलले उद्घाटन गर्नुभएको हो । ४ वटै पालिका सम्मेलन नयाँ नेतृत्व चयन गर्दै सकिने छन् । मुसीकोटको नगर कमिटी पर्सी आईतबार जनार्दन शर्माले घोषणा गर्ने कार्यक्रम रहेको छ । बाँकी ३ स्थानीय तहको सम्मेलन भोली सकिने माओवादी केन्द्र रुकुम पश्चिमले जनाएको छ ।
त्यस्तै बाँकी रहेका आठबीसकोट नगरपालिका र बाँफिकोट गाउँपालिकाको सम्मेलन भने भोली उद्घाटन हुने माओवादीले जनाएको छ । दुवै पालिकाको सम्मेलन जनार्दन शर्माले नै उद्घाटन गर्ने कार्यक्रम रहेको नेकपा माओवादी केन्द्र रुकुम पश्चिमका इन्चार्ज बसन्त शर्माले जनाकारी दिनुभयो । राष्ट्रिय महाधिवेशनको तयारीमा रहेको माओवादीले टोल, वडा हुँदै पालिका सम्मेलन गरिरहेको छ ।।
