रुकुम पश्चिममा मोटरसाईकल दुर्घटनामा परी एक जनाको मृत्यु भएको छ । हिजो राती मुसीकोट नगरपालिका १४ मुलागैरामा भएको मोटरसाईकल दुर्घटनामा परी मुसीकोट नगरपालिका १४ का ४२ वर्षिय भिमबहादुर केसीको मृत्यु भएको हो । सानीभेरी गाउँपालिका ११ बाघखोरमा व्यवशाय गर्दै आउनुभएका केसी पसल तर्फ जाने क्रममा दुर्घटनामा पर्नुभएको थियो ।

केसीको घटनास्थलमै मृत्यु भएको स्थानीयले बताएका छन् । केसीलाई राती ९ बजेतिर स्थानीयले मृत अवस्थामा फेला पारेका थिए ।सडकबाट करिब १ मिटर तल खसेका केसीको घाँटीमा मोटरसाईकलले च्यापेको अवस्थामा फेला परेको स्थानीयको भनाई छ ।