नेपाल कम्युनिष्ट पार्टी माओवादी केन्द्रका स्थायी समिति सदस्य तथा संगठन विभाग प्रमुख जनार्दन शर्माले संघर्षबाट प्राप्त अधिकारको भरपुर उपयोग हुनुपर्ने बताउनुभएको छ । नेकपा माओवादी केन्द्र रुकुम बाँफिकोट गाउँपालिका रुकुम पश्चिमको बाँफिकोट गाउँपालिकाको दोस्रो गाउँ सम्मेलन उद्घाटन गर्दै विभिन्न संघर्ष र आन्दोलनबाट प्राप्त उलब्धिको रक्षा, आन्दोलनबाट प्राप्त अधिकारको उभोग सबैले पाउनुपर्नेमा जोड दिनुभयो ।

जनयुद्ध, जनआन्दोलन लगायतका विभिन्न आन्दोलनबाट प्राप्त उपलब्धिलाई अब रोजगारीमा जोड्नुपर्नेमा उहाँले बताउनुभयो । अब विद्रोहबाट प्राप्त गरेको अधिकार रक्षा गर्दै समृद्धि र विकासका लागि लाग्नुपर्ने समय आएको उहाँले बताउनुभयो । नेपाल सरकारका अर्थ मन्त्री समेत रहनुभएका शर्माले श्रम, रोजगार र उत्पादनमा लाग्नुपर्ने बताउनुभयो । आफैसित भएको स्रोत, साधन र सिपको उपयोग गरेर आफूलाई रोजगार, स्वरोजगारतर्फ लैजान थालिएको भन्दै अब यसलाई गति दिनुपर्ने उहाँले बताउनुभयो ।  रोजगार, स्वरोजगार र उत्पादनका लागि व्यक्ति, समूह, सहकारी, राजनीतिक दल, भातृ संस्था लागिपर्नुपर्नेमा उहाँको जोड छ ।

जिल्लामा उद्योगधन्दा थपिने क्रम जारी रहेको छ । उत्पादन भएको चिजले बजार नपाउने समस्या नहुने शर्माले बताउनुभयो । श्रम गरेपछि घरघरमा पैसा आउन समय नलाग्ने भन्दै उहाँले आफै रोजगार, स्वरोजगार बन्न, बनाउनका लागि स्थानीय सरकारले अनुदान दिने, बैंकहरुले ऋण दिने व्यवस्था गरिएको बताउनुभयो । सम्मेलनले आधारभुत कुरा पारी गर्नुपर्छ । आधारभुत तहको निर्णय गर्नका लागि पार्टीका सम्मेलन केन्द्रीत हुुनुपर्छ भन्दै उहाँले विभिन्न आन्दोलन पश्चात अब गरीबी अन्त्यका लागि स्पस्ट योजना बनाउन पार्टी सम्मेलन केन्द्रीत हुनुपर्ने बताउनुभयो ।