नेपाली कांग्रेसका क्षेत्रिय प्रतिनिधि सहित ५ जना नेकपा माओवादी केन्द्रमा प्रवेश गरेका छन् । आईतबार रुकुम पश्चिमको मुसीकोट खलंगामा भएको माओवादी केन्द्र मुसीकोटको नव निर्वाचित नगर समिति घोषणा कार्यक्रम मार्फत ५ जनाले माओवादी प्रवेश गरेका हुन् ।
माओवादी प्रवेश गर्नेमा नेपाली कांग्रेसका प्रदेश निर्वाचन क्षेत्र नम्बर क का प्रतिनिधी मुसीकोट ४ का कर्णबहादुर परियार र नेकपा एमालेका मुसीकोट नगर कमिटी उप सचिव मुसीकोट १ की बसन्ती परियार रहेको नेकपा माओवादी केन्द्र मुसीकोट नगर समिति अध्यक्ष धिरन शिर्पाली विमर्शले जानकारी दिनुभयो ।
त्यस्तै नेपाली कांग्रेसका कृयाशिल सदस्य मुसीकोट १ का रविलाल नेपाली, राप्रपाबाट मुसीकोट १३ का शेरबहादुर केसी र नेकपा एमालेका संगठित सदस्य मुसीकोट ४ की पविता बिटालु पनि पार्टी प्रवेश गरेको शिर्पालीले बताउनुभयो । उनीहरुलाई नेकपा माओवादी केन्द्रका स्थायी समिति सदस्य तथा संगठन विभाग प्रमुख जनार्दन शर्मा प्रभाकरले स्वागत गर्नुभएको थियो ।
