रुकुम पश्चिमको मुसीकोट नगरपालिकाले कार्यालय नभएका हरेक वडामा कार्यालय भन बनाउँदै छ । चालु आर्थिक वर्षमा धेरै वडा कार्यालय बन्ने नगर कार्यपालिकाले जनाएको छ । नगरका १४ मध्य ३ वडामा पहिल्यै वडा कार्यालय भवन छन् । १, ७ र ९ नम्बर वडा कार्यालय आफ्नै भवनमा छन् ।

वाँकी ११ वडामा भवन निर्माणको प्रक्रिया अघि बढाइएको प्रमुख प्रशासकीय अधिकृत नरहरि तिवारीले जानकारी दिनुभयो । ११ मध्य ६ वटा वडा कार्यालय भवनको  निर्माणका लागि टेन्डर समेत भएर थप प्रक्रिया अघि बढिसकेको तिवारीले जानकारी दिनुभयो ।

वडा नम्बर २, ३, ६, ८, ११ र १२ नम्बरमा वडा कार्यालय निर्माण गर्न टेन्डर लागिसकेको छ । बाँकी ५ वडामा पनि यसै आर्थिक वर्षमा वडा कार्यालय भवन बनाइने जनाइएको छ । दैनिक कार्य सम्पादनमा सहजता ल्याउनका लागि भवन निर्माणलाई नगरपालिकाले प्राथमिकता दिएको छ ।

सबै वडामा डेढ तलाका भवन निर्माण हुने नगरप्रमुख देविलाल गौतमले जानकारी दिनुभयो । एउटा वडामा ४९ देखि ६२ लासम्मको डिजाइन स्टामेट भएपनि ३५ देखि ४० लाख रुपैयाँसम्ममा वडा कार्यालय भवन निर्माण गर्न सकिने निष्कर्ष नगर कार्यपालिकाको छ ।