रुकुम पश्चिमको मुसिकोट नगरपालिका वडा ९ मा एकीकृत घुम्ती शिविर सुरु भएको छ । मङ्सिर २८ गते कामिगाउँ टोलको हिलबाट सुरु भएको शिविर पुस ४ गते सम्म सञ्चालन हुने छ । २९ गते होल लिङगुर टोलको लिङगुरमा पुस १ गते नमुना टोलको चौखावाङमा २ गते स्वारा कुन्सिम्ला टोलको  कुन्सिम्लामा र ४ गते होल्तारा अदुवारी टोलको वडा कार्यालय होल्तारामा उक्त शिविर चल्ने छ ।

पहिलो दिन ५३ जना जग्गा धनिहरुले तिरो बुझाएका छन् । जसबाट ३७ हजार २  सय  राजश्व सङकलन भएको छ भने ४६ जनाको स्वास्थ्य तथा निशुल्क औसधि वितरन गरिएको छ ।  ३ वटा बहर र १३ वटा बोकाको बन्ध्याकरण गरिएको छ, ३३ घरधुरिका १ सय १५ वटा पशुचौपायको लागि निःशुल्क औषधी वितरण गरिएको छ ।

उक्त शिविरमा कार्यबाहाक वडा अध्यक्ष ज्ञानबहादुर ओली वडा सचिव पत्रबहादुर  खड्का स्वास्थ्य कर्मी मिना खड्का भेट्नरी बाट कल्पना दाहाल निता ओली, खड्क केसी लगायत सहभागि छन् ।  सो एकीकृत घुम्ती शिविरमा सम्पूर्ण वडाबासीलाई  तोकिएको स्थानमा आएर सेवा लिनुहुन वडा कार्यालयले अनुरोध गरेको छ ।