रुकुम पश्चिमको सदरमुकाम मुसीकोट खलंगामा जारी जिल्ला भलिबल संघ कपको सेमिफाईनल समिकरण पुरा भएको छ । पुष १० गतेदेखि सरु भएको प्रतियोगिता सेमिफाईनल पुग्ने ४ टिमको आज टुंगो लागेको हो । सेमिफाईनल र फाईनल खेल भोली हुने छ । खलंगाको बह्राटाकुरा खेल मैदानमा भोली फाईनल प्रवेशका त्रिवेणि गाउँपालिका वडा नं. ८ र सानीभेरी गाउँपालिका ७ तथा बाँफिकोट गाउँपालिका वडा नं. १ र वडा नं. ५ विच प्रतिस्पर्धा हुने छ ।

प्रतियोगिताको विजेताले नगद ५१ हजार, ट्रफि र मेडल प्राप्त गर्दा उप–विजेताले नगद ३१ हजार सहित ट्रफि र मेडल प्राप्त गर्ने आयोजकको भनाई छ । त्यस्तै तृतिय हुने टिमलाई नगद २१ हजार, ट्रफि र मेडल प्रदान गरिने छ । स्थान हाँसिल गर्ने सबै खेलाडिलाई मेडलको पनि व्यवस्था गरिएको आयोजकले बताएको छ । त्यस्तै विभिन्न व्यक्तिगत पाँच इभेन्टमा पनि खेलाडि पुरस्कृत हुने छन् । प्रतियोगिताको उत्कृष्ट खेलाडिका साथै उत्कृष्ट स्पाईकर, उत्कृष्ट सर्भर, उत्कृष्ट डिफेण्डर र उत्कृष्ट सेटर घोषणा गरी पुरस्कृत गर्ने आयोजकले जनाएको छ ।