निजि तथा आवासिय विद्यालय अर्गनाइजेशन (प्याब्सन) रुकुम पश्चिमको छैटौं जिल्ला अधिवेशन सुरु भएको छ । प्याव्सनका कर्णाली प्रदेश उपाध्यक्ष खड्कबहादुर कवर, मुसीकोट नगरपालिका सामाजिक विकास समिति सभापति शुशिल गौतम र शिक्षा अधिकृत विनाराम खड्काले उद्घाटन गर्नुभएको थियो । सदरमुकाम खलंगामा अधिवेशन चलिरहेको छ ।

राष्ट्र निर्माणको आधार गुणस्तरीय शिक्षा, सक्षम जनशक्ति उत्पादन गर्ने निजि विद्यालयको इच्छा भन्ने मुल नारा सहित चलिरहेको अधिवेशनले नयाँ कार्य समिति चयन अध्यक्ष जयबहादुर थापाले जानकारी दिनुभयो । थापाको अध्यक्षतामा भइरहेको अधिवेशनमा प्याव्सनका कर्णाली प्रदेश सदस्य हरिविष्णु ओली, निर्वाचन समिति संयोजक रचना मल्ल लगायतको आतिथ्यता छ ।

अधिवेशनले तीन वर्षे कालका लागि नयाँ नेतृत्व चयन गर्ने छ । अधिवेशनमा जिल्ला स्थित सम्पूर्ण निजि विद्यालय सञ्चालकहरुको सहभागिता छ ।