निजि तथा आवासिय विद्यालय अर्गनाइजेशन प्याब्सन रुकुम पश्चिमको अध्यक्षमा विमलकुमार शर्मा चयन हुनु भएको छ । शनिबार जिल्ला सदरमुकाम खलंगामा भएको छैठौं जिल्ला अधिवेशनले शर्माको अध्यक्षतामा प्याब्सनको नयाँ कार्य समिति चयन गरेको हो ।

समितिका उपाध्यक्षमा हरिभक्त भण्डारी, सचिवमा डिलबहादुर नाथ र कोषाध्यक्षमा धर्मभक्त मल्ल चयन भएको प्रमुख निर्वाचन अधिकृत रचना मल्लले जानकारी दिनुभयो । मल्लका अनुसार सदस्यमा खड्कबहादुर पुन, हिमबहादुर केसी, लक्ष्मी पुन र गोपाल लामिछाने चयन हुनु भएको छ ।

नव निर्वाचित कार्य समितिलाई अधिकृत मल्लले सपथ ग्रहण गराउनुभएको थियो । अधिवेशनले जयबहादुर थापा, अनिता भण्डारी र युडेन भण्डारीलाई सल्लाहकामा चयन गरेको छ ।

निवर्तमान अध्यक्ष जयबहादुर थापाको अध्यक्षतामा भएको अधिवेशनमा कर्णाली प्रदेश वरिष्ठ उपाध्यक्ष खड्कबहादुर कुवरको प्रमुख तथा मुसीकोट नगरपालिकाका सामाजिक विकास समितिमा सभापति शुशिल गौतम र शिक्षा अधिकृत विनाराम खड्काको विशिष्ट आतिथ्यतामा भएको थियो ।