रुकुम पूर्वको सिस्ने गाउँपालिका ५ की एक महिलाको शव भेटिएको छ । सिस्ने–५ रुकुमकोटकी २९ वर्षीया सुफिया शाहको शव भेटिएको हो ।  सिस्ने–५ कै कारागाउँ नजिकको थोतेगैरा भन्ने ठाउँमा शाह मृत अवस्थामा फेला परेपछि स्थानीयले प्रहरीलाई जानकारी गरेका थिए ।

शाहको बाटोबाट लडेर मृत्यु भएको हुन सक्ने जिल्ला प्रहरी कार्यालयका प्रमुख प्रहरी प्रमुख प्रहरी नायव उपरीक्षक गणेशबहादुर श्रेष्ठले जानकारी दिनुभयो । शाह लामो समयदेखि मानसिक रोगबाट ग्रसित परिवारले बताएको डिएसपी श्रेष्ठले बताउनुभयो ।

घटनाको अनुसन्धान भने सुरु भइसकेको प्रहरीले जनाएको छ । शाह पुस १ गते घरबाट हराएको परिवारले बताएको छ  । घरबाट हराएदेखि नै उनको खोजि भएको थियो । ४ दिन सम्म परिवार आफैले खोजेको र फेला नपारेपछि पुस ४ गते जिल्ला प्रहरी कार्यालयमा खोजिका लागि निवेदन परेको थियो ।