कुनाखेत मेलामा आयोजना गरिएको खुला वडा स्तरीय भलिबल प्रतियोगिता बाँफिकोट गाउँपालिका ३ ले जितेको छ । रुकुम पश्चिमको बाँफिकोट गाउँपालिका २, को कुनाखेतमा आयोजना गरिएको प्रतियोगितामा सोही गाउँपालिकाको २ नम्बर वडालाई पराजित गर्दै ३ नम्बर वडा विजेता बनेको हो ।

विजेता बनेको बाँफिकोट ३ ले नगद ५० हजारको साथमा मेडल र प्रमाण पत्र हात पारेको छ ।  त्यस्तै उपविजेतामै चित्त बुझाएको बाँफिकोट २ ले नगद  ३० हजार साथ  मेडल प्रमाण पत्र प्राप्त गरेको छ । युवा तथा खेतकुद विकास समितिका अध्यक्ष जोख बहादुर के सीले जानकारी दिनुभयो ।

सेमी फाइनलसम्म पुगेका बाँफिकोट १ पालाकोट र बाँफिकोट ५ ले नगद १५/१५ हजारको साथमा मेडल, प्रमाण पत्र हात पारेका छन् । मेलामा आयोजित महिला तथा पुरुष ब्याडमिन्टन प्रतियोगिता यस अघि नै सकिएका थिए । पुस ४ गते उद्घाटन गरिएको सम्पूर्ण खेलकुद आज समापन भएका हुन् ।

यो वर्ष कुनाखेत मेला ४, ५ र ६ गते लागेको छ । हरेक वर्ष जस्तै यो वर्ष पनि मेलाको अवसरमा खेलकुद प्रतियोगिता आयोजना गरेको युवा तथा खेलकुद विकास समिति बाँफिकोट गाउँपालिका २, का अध्यक्ष जोखबहादुर केसीले बताउनुभयो ।