मानबहादुर नेपाली नेपाली कांग्रेसकाे केन्द्रीय सदस्यमा निर्वाचित हुनुभएकाे छ । १४ औं महाधिवेशन अन्तरगत आज सकिएकाे दलित खुला केन्द्रीय सदस्य तर्फकाे मतगणनाकाे नतिजा अनुसार नेपाली कांग्रेस केन्द्रीय सदस्यमा निर्वाचित हुनुभयाे ।
दलित खुला तर्फ ५ सिटका लागि भएकाे मतदानमा नेपालीले सबैभन्दा बढी मत पाउनुभयाे । उहाँले २ हजार २ सय ९० मत पाउँदै पहिलाे नम्बरमा रहेर केन्द्रीय सदस्यमा निर्वाचित हुनुभएकाे हाे । याे संगै नेपाली रूकुम पश्चिमबाट कांग्रेसकाे पहिलाे केन्द्रीय सदस्य बन्नु भएकाे छ ।
नेपाली कांग्रेस स्थापना भएपछि हालसम्म जिल्लाबाट काेही पनि कांग्रेसकाे केन्द्रीय सदस्य बनेका थिएनन् । नेपाली १३औं महाधिवेशनमा पनि केन्द्रीय सदस्यकाे उम्मेद्वार हुनुहुन्थ्याे । तर पराजित हुनुभएकाे थियाे ।
उहाँले यसअघि सिंगाे रूकुम हुँदा कांग्रेसकाे जिल्ला सभापति भएर काम गरिसक्नुभएकाे छ । त्यस्तै उहाँ राष्ट्रिय दलित आयाेगकाे पूर्व अध्यक्ष समेत हुनुहुन्छ । रूकुम पश्चिमकाे आठबीसकाेट निवासी नेपाली लामाे समय देखि मुसीकाेट १ सल्लेमा बस्दै आउनुभएकाे छ ।
