रुकुम पश्चिममा कर्मचारीहरुका विचमा ब्याडमिन्टन प्रतियोगिता हुने भएको छ । कर्मचारी मिलन केन्द्र रुकुम पश्चिमको आयोजनामा पुष १५ र १६ गते खलंगाको बराहटाकुरा कबर्ड हलमा प्रतियोगिता हुने भएको हो । केन्द्रको आज बसेको बैठकले ब्याडमिन्टन खेलाउने निर्णय गरेको हो ।
स्थायी, अस्थायी र करार कर्मचारीहरुले प्रतिस्पर्धा गर्न पाउने आयोजकले जनाएको छ । साझ र बिहानको समयमा प्रतियोगिता संचालन गरिने छ । प्रतियोगिताको विजेताले नगद १५ हजार, दोस्रोले ७ हजार र सेमिफाईनल पुग्ने दुई जोडिले ३/३ हजार नगद पुरस्कार पाउने छन् ।
प्रतियोगिहरुलाई सिनियर र जुनियरमा विभाजन गर्ने र दुवैलाई मिलाएर खेल खेलाइने आयोजक कर्मचारी मिलन केन्द्रका अध्यक्ष ताराप्रकाश पुनले जानकारी दिनुभयो । दर्ता शुल्कबाट खर्च व्यहोर्ने र अपुग भएमा कर्मचारी मिलन केन्द्रको कोषबाट खर्च गर्ने समेत निर्णय भएको छ ।
