कर्मचारी मिलन केन्द्र रुकुम पश्चिमले आयोजना गरेको कर्मचारीहरुको ब्याडमिन्टनमा जनक खड्का र दिलिप बिसीको जोडि पहिलो भएको छ । जिल्ला सदरमुकाम मुसीकोट खलंगा स्थित बराहटाकुरा कवर्ड हलमा आज बिहान भएको फाइनलमा भावेश बोहरा र कमल ओलीको जोडिलाई २–० को सोझो सेटमा पराजित गर्दै जनक र दिलिपको जोडि विजेता बनेको हो । बिजेता जोडिले नगद १५ हजार प्राप्त गरको छ भने उप विजेताले ७ हजारमा चित्त बुझाएको छ ।

त्यस्तै सेमिफाईनलसम्म पुग्ने इश्वर रावल र शसिराम केसी तथा देवबहादुर ओली र चुडामणि केसीको जोडिले समान ३÷३ हजार नगद पुरस्कार पाएको आयोजक कर्मचारी मिलन केन्द्र रुकुम पश्चिमका अध्यक्ष ताराप्रकाश पुनले जानकारी दिनुभयो । प्रतियोगितामा स्थायी, अस्थायी र करार कर्मचारी गरी २९ जोडिले प्रतिस्पर्धा गरेका थिए । सिनियर र जुनियर गरी खेलाडिलाई २ समुहमा विभाजन गरी सिनियर र जुनियरलाई मिलाईर खेल खेलाईएको थियो ।