नेपाल कम्युनिष्ट पार्टी (नेकपा) प्रचण्ड–माधव समूहका नेता जनार्दन शर्मा ‘प्रभाकर’ले प्रधानमन्त्री केपी शर्मा ओली गोमन सर्प रहेको र कम्युनिष्ट आन्दोलनलाई डसेको बताउनुभएको छ । उहाँले भन्नुभयो ‘केपी ओली विषालु गोमन सर्प हुनुहुनेरहेछ, उहाले कम्युनिस्ट आन्दोलनलाई डस्नुभयो ।’ साथै उहाँले ओली लम्पसारवादी एवं कठपुतली भएको बताउनुभएको छ । बिराटनगरमा आज आयोजित जिल्लास्तरीय कार्यकर्ता भेलालाई सम्वोधन गर्दै शर्माले ओलीलाई विदेशीको इशारामा चलेको कठपुतली भएको आरोप लगाउनुभएको हो । ‘उहाँ लम्पसारवादी, कठपुतली हुनुहुन्छ । यो देशमा कोही निरीह प्राणी छ भने ओली हुनुहुन्छ’ शर्माले भन्नुभयो, ‘उहालाई आवश्यक रहुञ्जेल प्रयोग गर्छन् र फालिदिन्छन् ।’