नेपाली कांग्रेस रुकुम पश्चिम अन्तर्गत प्रदेश निर्वाचन क्षेत्र क को कोषाध्यक्षमा दसरथ केसी चयन हुनु भएको छ । कार्य समितिको पहिलो बैठकले ३ नम्बर वडा निवासी केसीलाई कोषाध्यक्षमा मनोनित गरेको हो । कांग्रेसको विधानमा कार्य समितिका अरु पदाधिकारी निर्वाचनबाट चयन हुने र कोषाध्यक्षमा मनोनित गर्ने व्यवस्था छ ।

सोही व्यवस्था बमोजिम केसीलाई कोषाध्यक्षमा मनोनित गरिएको सभापति महेन्द्र केसीले जानकारी दिनुभयो । जिल्ला अधिवेशनसँगै प्रदेश निर्वाचन क्षेत्रको अधिवेशन पनि केही समय अघि सम्पन्न भएको थियो । जिल्ला सदरमुकाम खलंगामा प्रदेश निर्वाचन क्षेत्र क को बैठक बसेको थियो । कार्य समितिका अन्य पदाधिकारी र सदस्यहरु अधिवेशनताका नै सर्वसम्मत चयन गरिएको थियो ।