रुकुम पूर्वको सिस्ने गाउँपालिकाले अंग्रेजी विषयका शिक्षकहरुका लागि तालिम आयोजना गरेको छ । ६ देखि १० कक्षा सम्म अध्यापन गराउने गाउँपालिका भित्रका अंग्रेजी पढाउने सबै शिक्षकहरुका लागि क्षमता विकास तालिम आयोजना गरिएको हो । शिक्षा, युवा तथा खेलकुद शाखाले तालिमको आयोजना गरेको हो ।

अंग्रेजी विषयका शिक्षकहरुको थप क्षमता बढाई विद्यार्थीको सिकाईलाई गुणस्तरीय बनाउने उद्देयश्यले तालिमको आयोजना गरेको शिक्षा, युवा तथा खेलकुद शाखा प्रमुख मंगलसिङ बुढाले जानकारी दिनुभयो । विषय भित्र रहेका असजिलालाई सहजिकरण गर्ने गरी तालिमको आयोजना गरिएको र तिनै विषयवस्तुमा केन्द्रित रहेर तालिम भइरहेको बुढाले बताउनुभयो ।

तालिमको मुख्य प्रशिक्षकमा मणिराम शर्मा रहनु भएको छ । गाउँपालिका अध्यक्ष कुमारी बरालले उद्घाटन गरेको तालिममा १८ विद्यालयका अंग्रेजी विषयका शिक्षकहरु सहभागि भएका छन् । जसमा १६ सामुदायिक र २ निजि विद्यालयका शिक्षक छन् । तालिम भोली सकिने जनाइएको छ ।