नेकपा एमाले रुकुम पश्चिमको अध्यक्षमा नन्दराम देवकाटालाई चयन गरिएको छ । विवादकैबीच देवकोटालाई अध्यक्ष घोषणा गरेर आठौं जिल्ला अधिवेशनको बन्द शत्र सकिएको घोषणा गरिएको छ । अध्यक्षका अर्का आकांक्षी नारायणकुमार शाह र टंकप्रसाद ओलीको विरोधका बाबजुद अध्यक्ष मण्डलले अध्यक्षमा देवकोटा चयन भएको घोषणा गर्दै अधिवेशन सकाएको हो । 

बन्द शत्रबाट सचिवमा शशिराम परियार, उप सचिवमा रचना मल्ल र गणेश सुनार चयन भएको घोषणा गरिएको छ । उपाध्यक्ष खाली राखिएको छ । यस अघि उपाध्यक्षमा प्रस्ताव गरिएका नारायणकुमार शाहले उपाध्यक्ष अस्विकार गरेपछि उपाध्यक्ष खाली राखिएको हो । नव निर्वाचित पदाधिकारी तथा जिल्ला कमिटिका सदस्यको सपथ ग्रहण भोली विहान ९ बजे पार्टी कार्यालयमा हुने अध्यक्ष मण्डलकी सदस्य तिर्था गौतमले जानकारी दिनुभयो । अधिवेशनले जिल्ला कमिटिका अरु सदस्य पनि छनौट गरेको छैन । सबै पालिकाबाट जिल्ला कमिटिमा पर्नेहरुको नाम प्राप्त भएको र त्यसैलाई जिल्ला कमिटिमा राख्ने तयारी छ ।