रुकुम पश्चिमको सदरमुकाम खलंगामा खुला पुरुष डबल ब्याडमिन्टन प्रतियोगिता हुने भएको छ । पुष २४ देखि २६ गते सम्म बाल मन्दिर प्राङ्गनमा प्रतियोगिता हुने भएको हो । सिर्जनशिल युवा सञ्जाल–नेपालले प्रतियोगिता आयोजना गर्न लागेको हो । पछिल्लो समय आकर्षण बन्दै गएको ब्याडमिन्टन खेलको प्रबर्द्धनका लागि प्रतियोगिता आयोजना गरिएको आयोजक संस्था सिर्जनशिल युवा सञ्जाल–नेपालका अध्यक्ष विशाल विष्टले बताउनुभयो । प्रतियोगितालाई नयाँ खेलाडीले अवसरको रुपमा पनि लिन सक्ने अध्यक्ष विष्टको भनाई छ ।

प्रतियोगिताको विजेता जोडीले २१ हजार १ सय २१ रुपैयाँको साथमा मेडल र प्रमाण पत्र प्राप्त गर्नेछ । उपविजेता जोडीले ११ हजार १ सय ११ रुपैयाँको साथमा मेडल र प्रमाण पत्र पाउँदा सेमी फाइनलसम्म पुग्ने दुई जोडीले ५ हजार ५ सय ५५ रुपैयाँ नगदको साथमा मेडल र प्रमाण पत्र प्राप्त गर्नेछन् । प्रतियोगिताको उद्घाटन जिल्ला समन्वय समिति प्रमुख राजकुमार शर्माले गर्नुहुने जनाइएको छ ।