रुकुम (पूर्व) को भूमे गाउँपालिका वडा नम्बर १ लुकुमका एक व्यक्ति २१ दिनदेखि बेपत्ता भएका छन् । लकुमका ६३ वर्षका झपेन्द्र पुन यहि पौषको १० गतेयता सम्पर्क बिहिन बन्नुभएको छ । झपेन्द्रका कान्छा छोरा योगो पुनकाअनुसार झपेन्द्र पौषको ५ गतेसम्म घरमै हुनुहुन्थ्यो । उहाँलाई ७ गतेसम्म स्थानीयले बजारमा देखेको र १० गतेमात्रै उहाँ हराउनुभएको भन्ने पत्ता लागेको उहाँको छोरा योगोले बताउनुभयो । 

रिटायर्ड प्रहरी सहायक निरीक्षकसमेत रहनुभएका झपेन्द्र लुकुम आफ्नै घरमा एक्लै बस्दै आउनुभएको थियो । उहाँका एउटा छोरा अमेरीकामा बस्दै आउनुभएको छ भने कान्छो छोरा काठमाँडौंमा पढ्नुहुन्छ । बाबा सम्पर्कबिहिन बनेपछि पढाई छोडेर खोज्न आएको तर अहिलेसम्म कतै पत्ता लाग्न नसकेको योगोले बताउनुभयो । बाबाको खोजी गरिदिन भन्दै उहाँले प्रहरीमा निवेदन पनि दिनुभएको छ । 

५.३ इन्च उचाई भएको, कालो टोपी, कालो ज्याकेट, गहुँगोरो छाला, गोल्ड स्टार जुत्ता लगाएको व्यक्तिलाई भेट्ने जोसुकैले नजिकैको प्रहरी चौकी वा आफ्नो मोबाइल नम्बर ९८६१७५५६४३ मा सम्पर्क गर्न कान्छो छोरा योगोले सबैमा अनुरोध गर्नुभएको छ ।