नेपाली कांग्रेस तथा अन्य परित्याग गरी ८ जनाले नेकपा माओवादी केन्द्रमा प्रवेश गरेका छन् । रुकुम पश्चिमको बाँफिकोट गाउँपालिका १० का ८ जनाले माओवादी केन्द्रमा प्रवेश गरेका हुन् । शेरबहादुर चन्द, विजय चन्द, खडग गिरी, देवबहादुर गिरी, भूपाल गिरी,मानबहादुर गिरी, प्रेमा चन्द र शेरबहादुर गिरीले पार्टी प्रवेश गरेको माओवादी केन्द्र बाँफिकोटले जनाएको छ ।

माओवादीको १० नम्बर वडाले आयोजना गरेको पार्टी प्रशिक्षण मार्फत उनिहरु माओवादी केन्द्रमा प्रवेश गरेका हुन् । उनिहरुलाई माओवादी केन्द्रका केन्द्रीय स्कूल विभाग सदस्य महेन्द्र केसीले प्रवेश गराउनु भएको हो । सोही कार्यक्रम मार्फत केही समय अघि पार्टी छाडेकाहरु पनि फेरि माओवादीमै फर्किएका छन् ।

शरुण गिरी, रतन दमाई, विरभान गिरी, पार्वती विक, ललित विक, कमला विक र शशिराम दमाई फेरि माओवादी केन्द्रमै फर्किएको माओवादी केन्द्रका वडाध्यक्ष शौरभकुमार केसीले जानकारी दिनुभयो । माओवादी केन्द्रले वडा वडामा पार्टी प्रशिक्षण चलाइरहेको छ ।

यो सँगै ८ वडाको प्रशिक्षण कार्यक्रम सम्पन्न भएको पार्टीका गाउँपालिका अध्यक्ष चन्द्रबहादुर केसीले जानकारी दिनुभयो । उहाँका अनुसार अब १ र २ नम्बर वडाको प्रशिक्षण कार्यक्रम हुन बाँकी छ । पछिल्लो राजनीतिक घटनाक्रमबारे जानकारी गराउनका लागि गत महिनादेखि नै पार्टी प्रशिक्षण चलाईरहेको अध्यक्ष केसीले बताउनुभयो ।

१० नम्बर वडाको पार्टी प्रशिक्षणमा पार्टीका कर्णाली प्रदेश सदस्य चन्द्रबहादुर शाही, पालिका अध्यक्ष चन्द्रबहादुर केसी, सह सचिव हरि चन्द अखिल क्रान्तिकारी रुकुम पश्चिमका कोषाध्यक्ष किरण विक तथा पार्टीका पालिका समिति सदस्यहरुको आतिथ्यता रहेको थियो ।