मुसीकोट नगरपालिका वडा नम्बर ९ ले आफ्नो वडामा रहेका चार वटा बिद्यालयहरुमा अध्यनरत २ सय ४२ जना बिद्यार्थीहरुलाई निःशुल्क रुपमा पोसाक बितरण गरेको छ । जुवाला आधारभुत बिद्यालय हिलमा ५० जनालाई, सुर्योदय आधारभुत बिद्यालय होलमा ४० जनालाई, कृष्ण आधारभुत बिद्यालय लिङगुरमा १९ जनालाई र जनशिक्षा आधारभुत बिद्यालय चौखावाङमा १ सय ३३ जनालाई पाेसाक बितरण गरिएको हो ।

प्रत्यक बिद्यालयहरुमा पुगेर जनप्रतिनिधिहरुले पोसाक बितरण गरेका हुन । आर्थिक वर्ष २०७८/०७९ को नगर परिषदबाट स्वीकृत बिद्यार्थीलाई पोसाक बितरण कार्यक्रमको लागि वडाले २ लाख ६० हजार रुपैया बिनियोजन गरेको थियो । उक्त रकमबाट सो पोसाकहरु सिलाएर बालबालिहरुलाई बितरण गरिएको हो । पोसाक बितरण गरिएपछि अभिभावक तथा बिद्यार्थीहरुले खुसी व्यक्त गरेका छन् । यस्तै खालका कार्यक्रम निरन्तर रुपमा गर्दै जाने वडाको प्रतिबद्धता रहेको छ ।