प्रगतिशील लेखक संघ रुकुम पश्चिमको अध्यक्षमा मनलाल ओली चयन हुनुभएको छ । जिल्ला सदरमुकाम मुसीकोट खलंगामा भएको संघको तेस्रो जिल्ला सम्मेलनबाट सर्वसम्मत रुपमा ओलीको अध्यक्षतामा ९ सदस्यीय प्रगतिशील लेखक संघ नेपाल, रुकुम पश्चिमको जिल्ला समिति निर्माण भएको छ ।  

उपाध्यक्षमा विरबहादुर केसी, सचिवमा खेमराज खड्का, सह—सचिवमा प्रताप सुनार र कोषाध्याक्षमा कुबेर मल्ल चयन हुनुभएको छ । त्यस्तै संघको सदस्यहरूमा छविलाल खड्का, हरिपवन पहर खड्का, सत्यनारायण श्रेष्ठ, गोपाल केसी चयन हुनुभएको छ । साथै सम्मेलनबाट ५ सदस्यीय सल्लाहकार समिति पनि गठन गरिएको छ ।

जसमा नदीराम के.सी., चन्द्रा ओली, कमप्रसाद देवकोटा, मुकुन्द प्रसाद शर्मा र हरिविष्णु ओली रहनुभएको छ । मुसीकोट खलंगा बहुमुखी क्याम्पसमा संघको तेस्रो जिल्ला सम्मेलन भएको थियो । सम्मेलनको प्रगतिशील लेखक संघका केन्द्रीय सदस्य तथा कर्णाली प्रदेश अध्यक्ष गिरीप्रसाद बुढाले गर्नुभएको थियो ।