रुकुम पूर्वको सिस्ने गाउँपालिका वडा नम्बर ४ ले जेष्ठ नागरिकलाई काँसको थालि वितरण गरेको छ । वडाका ७० जना जेष्ठ नागरिकलाई काँसको थाली वितरण गरिएको हो । आज ४ नम्बर वडा कार्यालय दादिङमा एक कार्यक्रमको आयोजना गरी जेष्ठ नागरिकलाई सम्मान स्वारूप काँसको थाली वितरण गरेको वडा अध्यक्ष दलराज घर्तीले जानकारी दिनुभयो ।  वडाका ९० जना जेष्ठ नागरिक मध्य आज ७० जनालाई काँसको थाली वितरण गरिएको छ । 

हरेक वर्ष वडाले वडाका जेष्ठ नागरिकलाई विभिन्न किसिमका भाँडाहरु वितरण गर्दै आएको छ । जसअनुसार यो वर्ष काँसको थालीले वितरण गरेको वडा अध्यक्ष घतीको भनाई छ । वडाको १ लाख ५० हजार रकमबाट भाँडा खरिद गरिएको हो । बाँकी रहेका २० जना जेष्ठ नागरिकहरुलाई भोली वितरण गर्ने कार्यक्रम रहेको वडा कार्यालयको भनाई छ ।