रुकुम पूर्वका विभिन्न ठाउँमा बाक्लो हिमपात भएको छ । मौसम बदली भएपछि बिहिबार राती देखि जिल्लाका विभिन्न ठाउँमा हिमपात भएको हो । हिमपात भएपछि चिसो बढेको छ । जसका कारण जनजिवन कष्टकर बनेको छ । तर खेतिपातीमा भने फाइदा पुगेको किसानको भनाई छ ।

जिल्लाका सबैजसो ठाउँमा हिमपात भएको छ । रुकुम पूर्व हिमाली जिल्ला हो । यहाँका ३१ मध्य लगभग सबै वडामा हिमपात हुन्छ । जिल्लामा यो यस वर्षको दोस्रो हिमपात हो । यसअघि पुष १२ र १३ गतेपनि जिल्लामा हिमपात भएको थियो । त्यसको एक महिनापछि जिल्लामा पुनः हिमपात भएको हो ।