राडीज्युला शिक्षा क्याम्पस आठबिसकोट नगरपालिका रुकुम पश्चिमको छैठौं क्याम्पस सभा सुरु भएको छ । आठबिसकोट नगरपालिका प्रमख गोर्खबहादुर केसीले सभाको उद्घाटन गर्नुभएको हो । शुक्रबार उद्घाटन भएको सभा शनिबार सकिने छ । नयाँ सञ्चालक समिति चयन तथा अरु विभिन्न विषयमा छलफल गर्न सभा डाकिएको अध्यक्ष रवि केसीले जानकारी दिनुभयो । सभाले एक अध्यक्ष सहित १२ सदस्यीय सञ्चालक समिति चयन गर्नेछ । क्याम्पस प्रमुख समितिको सदस्य सचिव हुने व्यवस्था छ ।

सभाको अवसर पारी विभिन्न व्यक्ति र संघ, संस्थालाई सम्मान गरिएको छ । क्याम्पस संस्थापक अध्यक्ष शेरबहादुर ओली, क्याम्पसका पूर्व प्रमुख बेगम केसी र थलविर ओली, मानार्थ सदस्य कृष्णबहादुर बटालालाई सम्मान गरिएको छ । उपप्रध्यापक मानबहादुर चन्द, कार्यालय सहयोगी डिल्लीबहादुर बटाला, पूर्व लेखापाल दलबहादुर शाह, दिपेन्द्रकुमार शाह, सञ्चालक समिति सदस्य विमला शाह र देवसरा पुनलाई पनि सम्मान गरिएको छ ।

भवन निर्माणा समितिका देउदत्त बटाला र तप्तबहादुर बटाला, बाल कल्याण मावि र उद्योग वाणिज्य संघ आठबिसकोटलाई पनि सम्मान गरिएको सहायक क्याम्पस प्रमुख तेजबहादुर मल्लले जानकारी दिनुभयो । भवन उद्घघाटन यसैबीच राडीज्युला शिक्षा क्याम्पसको नव निर्मित भवनको उद्घाटन भएको छ । नगर प्रमुख गोर्खबहादुर केसीले भवन उद्घघाटन गर्नु भएको हो ।

आठबिसकोट नगरपालिकाको ५० लाख र विश्व विद्यालय अनुदान आयोगको ५० लाख गरी एक करोड लागतमा बनेको ८ कोठे भवनको उद्घाटन गरिएको हो । भवन निर्माणपछि पठन पाठन र क्याम्पसका अरु कार्यक्रम गर्न सजिलो भएको सहायक क्याम्पस प्रमुख मल्लले बताउनुभयो । बन्द शत्र भोली हुने र त्यसमा १६७ जना सहभागी हुने बताइएकाे छ । बन्द सत्रबाट नयाँ सञ्चालक समिति चयन  हुने छ ।