प्रेम कुसारी 

रुकुम पश्चिमको आठबीसकोट नगरपालिकामा रहेको एक विद्यालय भवनको पर्खाल भत्किएको छ । वडा नम्बर ७ मा रहेको जनज्योती आधारभुत विद्यालयको पर्खाल भत्किएको हो । पहिले गाह्रो चर्र्किएको र पछिल्लो पटकको लागातारको वर्षाले विद्यालयको पर्खाल भत्किएको प्रधानाध्यापक रमेश केसीले जानकारी दिनुभयो ।

१८ मिटर लम्बाइको र १४ मिटर चौडाइ रहेको भवनको पर्खा भत्किएको केसीले बताउनुभयो । विद्यालयको बाँकि पर्खाल जोखिममा रहेकोे छ  । पर्खाल भत्किएर सार्वजानिक बाटोमा परेको छ । यसले गर्दा आवतजावतमा समस्या भएको छ ।

हाल विद्यालय बन्द भएकोले त्यती असर नपरेको र विद्यालय सञ्चाल हुँदासम्म यसको व्यवस्थापनका लागि सहयोग गर्न विद्यालय प्रशासनले अनुरोध गरेको छ । विद्यालय सञ्चान हुँदासम्म यसको व्यवस्थापन नगर्ने हो भने पठन पाठनमा समेत असर पर्ने विद्यालयले बताएको छ ।