रुकुम पश्चिमको त्रिवेणि गाउँपालिका वडा नम्बर ९ का इश्वर रावलले आफ्नो जन्मदिनको अवसरमा स्थानीय मन्दिरलाई सहयोग गर्ने बताउनुभएको छ । उहाँले चौतारामा रहेको मन्दिरमा गजुर, मुर्ति र घण्टी लगायतका सामग्री राख्ने बताउनुभयो । 

मन्दिरमा बाँकी रहेको व्यवस्थापनको काम सकेर शिवरात्रीसम्म उद्घाटन गर्ने तयारी भइरहेको स्थानीयले बताएका छन् । मन्दिरको व्यवस्थापन अन्तरगत मुर्ति, गजुर र घण्टी आफुले उपलब्ध गराउन लागेको रावलले बताउनुभयो । यसका लागि करिब १५ हजार बढी खर्च लाग्ने उहाँको अनुमान छ । 

आफ्नो सानो सहयोगले मन्दिर व्यवस्थापनमा थोरै भएपनि सहयोग पुगोस भनेर सहयोग गर्न लागेको उहाँको भनाई छ । रावल स्वास्थ्यर्मी हुनुहुन्छ । सिनियर अहेब रावल त्रिवेणि गाउँपालिका वडा नम्बर ९ चौतारामै रहेको आधारभूत स्वास्थ्य इकाईको इन्चार्ज हुनुहुन्छ । उहाँको जन्मदिन माघ २९ गते हो ।