रुकुम पूर्वको रानीकोटमा ट्याक्टर दुर्घटना हुँदा एक जनाको मृत्यु
रुकुम पूर्वमा ट्याक्टर दुर्घटना हुँदा एक जनाको मृत्यु भएको छ । सिस्ने गाउँपालिका वडा नम्बर ६ रानीकोटमा आज भएको ट्याक्टर दुर्घटनामा परी सिस्ने गाउँपालिका वडा नम्बर ५ का ४५ वर्षिय प्रेम परियारको मृत्यु भएको हो ।
मध्यपहाडि लोकमार्गमा रोकेर गिट्टी लोड गरी पछाडी सार्ने क्रममा रा १ त १५६३ नम्बरको ट्याक्टर पल्टिएको प्रहरीले जनाएको छ । पल्टिएको ट्याक्टरले ठक्कर दिँदा सडकमा काम गरिरहेका परियारको मृत्यु भएको जिल्ला प्रहरी प्रमुख प्रहरी नायव उपरीक्षक गणेशकुमार श्रेष्ठले जानकारी दिनुभयो ।
ट्याक्टर चालक रुकुम पश्चिमको मुसीकोट नगरपालिका वडा नम्बर ११ का हेमन्त बाँठालाई नियन्त्रणमा लिईएको डिएसपी श्रेष्ठले बताउनुभयो । घटनाको बारेमा थप अनुसन्धान भइरहेको उहाँले बताउनुभयो । ट्याक्टर सडकबाट करिब १ किलोमिटर तल खसेको प्रहरीले जनाएको छ ।
प्रकाशित मिति: बुधबार, फागुन ४, २०७८ १६:५४
प्रतिक्रिया दिनुहोस्
थप समाज
साताको लोकप्रीय
