कृष्ण गौतम, रुक्मीणि माध्यामिक विद्यालय रुकुमकोटका हेड सर अर्थात प्रधानाध्यापक । लामो समय अध्यापन गरेर लामै समय विद्यालय प्रशासनको नेतृत्व गर्नुभएका गौतमको विदाई भएको छ । विद्यालयले औपचारीक कार्यक्रम आयोजना गरेर गौतमको विदाई गरेको हो । अनिवार्य अवकाशपछि विद्यालय छाड्नु भएको थियो ।

विद्यालय छाडेका करिब दुई महिनापछि गौतमको विदाई गरिएको हो । लामो समय विद्यालयको नेतृत्व र व्यवस्थापन गरेका सरको विदाइमा पूर्व विद्यार्थी समेत सहभागि भएका थिए । विद्यालय व्यवस्थापन समितिले यस अघि नै अवकाश पाउनु भएकै फत्तेकुमारी ओलीलाई सम्मान गरेको छ ।

पहिल्यै विद्यालयबाट विदाई भएको ओलीलाई सम्मान र नयाँ नियुक्त भएका शिक्षकहरुलाई स्वागत गरिएको विद्यालय व्यवस्थापन समितिका अध्यक्ष ओमप्रकाश थापाले जानकारी दिनुभयो । प्रअ गौतमको अवकाशपछि विद्यालयले चन्द्रबहादुर मल्ललाई निमित्त प्रअको जिम्मेवारी दिएको छ । विद्यालय विकास योजना पेश गरेका आधारमा अब केही समयमै प्रअ नियुक्त गरिने अध्यक्ष थापाले बताउनुभयो ।