खुकरी र हथौडा प्रहारबाट घाइते भएका रुकुम पश्चिमको आठबीसकोट नगरपालिका वडा नम्बर ९, का रवि चन्दलाई सुर्खेत लगिएको छ । नेपाली सेनाको हेलिकोप्टर मार्फत चन्दलाई थप उपचारका लागि सुर्खेत लगिएको हो । त्यहाँबाट पनि एम्बुलेन्स मार्फत नेपालगञ्ज लगिने प्रहरीले जनाएको छ । चन्दको टाउकोमा गहिरो चोट लागेको छ । 

चन्दलाई स्थानीय गोविन्द शाही लगायतले खुकुरी र हथौडा प्रहार गरी घाइते बनाएको र उनिहरु फरार रहेका छन् । पैदल हिडिहरेका चन्दलाई लुकेर खुकुरी र हथौडा हानिएको हो । आठबीसकोट नगरपालिकाको कार्यालयबाट घरतर्फ गइरहेका चन्दमाथी आज दिउँशो २ बजेतिर पिपलबोट नजिकै आक्रमण भएको थियो ।

चन्दको अवस्था गम्भिर भएकाले थप उपचारका लागि हेलिकोप्टर मार्फत सुर्खेत लगिएको र त्यहाँबाट नेपालगञ्ज लगिने बताईएको छ । जिल्ला प्रहरी कार्यालयका प्रहरी निरीक्षक डेकेन्द्र शर्माले गोविन्द शाहीले चन्दमाथी खुकुरी प्रहार गरेको र शाही भागेको बताउनुभयो । घटनाबारे अनुसन्धान भइरहेको शर्माको भनाई छ । घटना स्थलबाट बीर भाँचिएको खुकुरी र हथौडा फेला परेको छ ।