शीतल क्याम्पस चौरजहारी रुकुम पश्चिमको भवन निर्माण सुरु भएको छ । ८ कोठाको नयाँ भवनको शिलान्यास गरिएको छ । क्याम्पस सञ्चालक समितिका अध्यक्ष खुमबहादुर खड्काले भवनको शिलान्यास गर्नुभयो । कर्णाली प्रदेश सरकारको ५० बाँकी नगद चौरजहारी पालिकाले व्यहोर्ने गरी भवन निर्माण थालिएको अध्यक्ष खड्काले जानकारी दिनुभयो ।

भवन निर्माण पछि क्याम्पसको पठन पाठन सहज हुने क्याम्पसले बताएको छ । यस अघि क्याम्पसका १५ कोठाका दुई भवन छन् । एउटा ७ र अर्को ८ कोठाका भवन छन् । क्याम्पसमा ५ सय बढी विद्यार्थी अध्ययनरत रहेको क्याम्पसले जनाएको छ । चौरजहारी नगरपालिका २, मा रहेको क्याम्पसमा रुकुम पश्चिम सहित जाजरकोट र सल्यानका विद्यार्थी समेत अध्ययन गरिरहेका छन् ।