नेकपा माओवादी केन्द्रको युवा भातृ संगठन योङ्ग कम्युनिष्ट लिग वाइसीएलको कर्णाली प्रदेश समितिमा रुकुम पश्चिमका थप १० जना मनोनित भएका छन् । प्रदेश समितिको बैठकले १० जनालाई मनोनित गरेको हो ।
मुसीकोट नगरपालिकाबाट डम्मर थापा, धनमाया बोहरा, चौरजहारी नगरपालिकाबाट लालबहादुर विष्ट र बालकृष्ण बुढाथोकी, आठबीसकोट नगरपालिकाबाट दलजित बटाला र ध्रुव केसी सदस्यमा मनोनित भएका छन् ।
सानीभेरी गाउँपालिकाबाट गोविन्द ओली, गोविन्द बुढाथोकी, त्रिवेणि गाउँपालिकाबाट राजेन्द्र विक र बाँफिकोट गाउँपालिकाबाट जोखबहादुर पुन सन्देशलाई मनोनित गरेको छ । सोही बैठकले प्रदेश आयोग र केन्द्रीय आयोगमा समेत सदस्य मनोनितको सिफारिस गरेको छ ।
प्रदेश आयोगमा मुसीकोट बाँफिकोट गाउँपालिकाबाट सौरव केसी, चौरजहारी नगरपालिकाबाट अमर केसी र सानीभेरी गाउँपालिकाबाट बालकृष्ण विक परेका छन् । केन्द्रीय आयोगमा मुसीकोट नगरपालिकाबाट विष्णु ओली, चौरजहारी नगरपालिकाबाट रामबहादुर विष्ट र आठबीसकोट नगरपालिकाबाट सन्देश विक परेका छन् ।
