रुकुम पश्चिमको सदरमुकाम समेत रहेको मुसिकोट खलंगा बजारमा भइरहेको अव्यवस्थित  यातायातका  साधन पार्किङले नागरिकलाई समस्या भएको छ । मुसिकोट खलंगाबाट  जिल्ला बाहिरिने र जिल्ला भित्रिने   तथा खलंगा बजारसम्म मात्रैका लागि आएका साधनको पाकिङ व्यवस्थित छैन ।

बजारमा मान्छेको पनि उतिकै  चहलपहल हुन्छ । मुसिकोटको बागबजार त्रिवेनी चोक  लगाएत बजार क्षेत्र मा अव्यवस्थित तरिकाले फराकिलो सडक  नभएको ठाउँ मा पनि सवारी साधन पार्किङ गर्ने गरिएको छ । सडक फराकिलो नहुँदा  र चहलपहल पनि धेरै हुनेहुँदा  विद्यार्थीलाई झनै दुर्घटनाको जोखिम बढ्दै गएको स्थानीय रामबहादुर खड्काले बताउनुभयो ।

तस्तै जथाभावी सवारी साधन पार्किङ गर्नाले सडकमा हिड्ने सर्बसाधारण लगायत सबै लाई समस्या हुने गरेको उहाँले  बताउनुभयो । जिल्ला प्रसान कार्यालय  रुकुम पश्चिमले भने सडक  छेउ छाउमा पार्किङ गरेर राखिएका सवारीका साधनहरु  अहिले तत्काल नै  आफै  घर लिएर राख भन्ने अवस्था नभएको बताएको छ । 

बसपार्क बनी सकेको छैन । बसपार्क निर्माणपछि मात्रै अव्यवस्थित पार्किङको  समस्या हल हुने प्रमुख जिल्ला अधिकारी परमानन्द घिमिरेले बताउनुभयो । बसपार्क बन्ने प्रक्रिया अगाडि बढिसकेकाले बसपार्क बनेपछि पार्किङ व्यवस्थित हुने प्रजिअ घिमिरेले बताउनुभयो । मुसिकोट नगरपालिकाले यस अघि नै सडक को छेउ छाउमा राखिएका निर्माण सामग्री हटाउन र जथाभावी पार्किङ नगर्न निर्देशन दिई सकेको छ ।