माओवादी केन्द्रको युवा भातृ संगठन योङ्ग कम्युनिष्ट लिग वाइसीएल मुसीकोट नगरपालिका रुकुम पश्चिमको नगर भेला चैत्र ५ गते हुने भएको छ । आज सेरीगाउँमा बसेको नगर समितिको बैठकले चैत्र ५ गते खलंगामै नगर भेला गर्ने निर्णय गरेको हो ।
बैठकले नगर भेलाको तयारी तथा १४ वटै वडामा भेला, प्रशिक्षण तथा बैठक गर्ने निर्णय गरेको छ । नगर अध्यक्ष डम्मर थापाका अनुसार सबै वडाका भेला, प्रशिक्षण तथा बैठक गर्ने निर्णय भएको छ । अध्यक्ष थापाका अनुसार सबै वडाको इन्चार्ज पनि तोकिएको छ ।
१ नम्बर वडाको २१ गते, २ नम्बरको २४ गते, ३ नम्बरको ३० गते, ४ नम्बर वडाको १८ गते, ५ नम्बर वडाको २६ गते, ६ नम्बर वडाको २५ गते र ७ नम्बर वडाको भेला, प्रशिक्षण तथा बैठक १९ गते गर्ने निर्णय भएको छ ।
८ नम्बर वडाको २३ गते ९ नम्बर वडाको २१ गते, १० नम्बर वडाको २२ गते, ११ नम्बर वडाको २८ गते, १२ गते २७ गते १३ नम्बर वडाको २० र १४ नम्बर वडाको २० गते भेला, प्रशिक्षण तथा बैठक गर्ने तय भएको अध्यक्ष थापाले बताउनुभयो ।
बैठकले ६ र ७ नम्बर वडा बाहेकमा वडा इन्चार्ज पनि तोकेको छ । १ नम्बर वडामा विशाल रावल, २ मा संगम पुन, ३ मा आकाश पुन ४ नम्बर वडाको इन्चार्जमा गोविन्द रेउलेलाई इन्चार्ज तोकिएको छ । ८ नम्बर वडाको टेकबहादुर विक, ९ नम्बर वडामा रविप्रकाश ओली, १० नम्बर वडाको अनिल खड्का, ११ नम्बर वडाको जीवन पुनलाई इन्चार्ज तोकिएको छ ।
१२ नम्बर वडाको रमेश आग्री, १३ नम्बर वडाको मिनकुमार केसी र १४ नम्बर वडा इन्चार्जमा टिकाराम विष्टलाई चयन गरिएको छ । बैठकमा वाइसीएल केन्द्रीय सदस्य तथा कर्णाली प्रदेश सहसंयोजक शैलेश शर्माको प्रमुख र नेकपा माओवादी केन्द्रको मुसीकोट नगर अध्यक्ष धिरण शेर्पालीको विशेष उपस्थितिमा बैठक बसेको हो । बैठकमा माओवादी केन्द्र मुसीकोटका उपाध्यक्ष बुद्धिप्रसाद बुढा, निर्मलकुमार पुन, सचिव शुशिल गौतम, सहसचिव नविन ओली लगायतको पनि उपस्थिति रहेको थियो ।
