रुकुम पश्चिमको मुसिकोट नगरपालिकामा आयोजना गरिएको आधारभुत पत्रकारिता तथा उद्घोषण तालिम सम्पन्न भएको छ । प्रेस सेन्टर नेपाल मुसीकोट नगरपालिका समितिले ५ दिने आधारभुत तथा उद्घोषण तालिम आयोजना गरेको थियो । मुसिकोट नगरपालिकाको आर्थिक सहयोगमा आयोजित तालिममा नगरपालिकाका सबै वडाबाट सहभागि भएका थिए ।
एक वडा एक पत्रकार तयार गर्ने उद्देश्यले तालिमको आयोजना गरिएको प्रेस सेन्टर नेपाल मुसीकोट नगर समिति अध्यक्ष दिपेन्द्र महताराले बताउनुभयो । तालिममा सहभागि सबैलाई प्रमाणपत्र पनि प्रदान गरिएको छ । तालिममा उत्कृष्ठ भएका १२ जनालाई पुरस्कृत समेत गरिएको थियो ।
फागुन ११ गते मुसीकोट नगरपालिका प्रमुख देविलाल गौतमले तालिमको उद्घाटन गर्नुभएको थियो । तालिममा पत्रकारिता, समाचार, रेडियो, उद्घोषण, पत्रकार आचार संहिता, सूचना हक लगायतका विषयमा सिकाइएको आयोजकले जनाएको छ ।
