भिमबहादुर बुढा 

रुकुम पश्चिम मुसीकोट नगरपालिका वडा नम्बर ८ मा वडा कार्यालय निर्माणको काम सुरु भएको छ । वडामा निर्वाचित भएपछि जनताका आवश्यकता सडक, पानी, विद्युत, शिक्षा जस्ता विकास निर्माणलाई प्राथामिकता दिईएकाेमा जनप्रतिनिधिहरु कार्यकालको अन्तिममा वडा कार्यालय निर्माणमा अग्रसर बनेका छन् ।

मुसिकोट नगरपालिकाको ४० लाख बजेटबाट वडाको गर्पामा वडा कार्यालय निर्माण गर्न लागिएको हो । लामो समय देखि गर्पामा रहेको एक घरबाट सेवा प्रवाह गरिरहेकोमा अब आफ्नै नयाँ भवन निर्माणकाे काम सुरू भएकाे वडा अध्यक्ष बुद्धिप्रसाद बुढाले जानकारी दिनुभयो । वडा कार्यालय भवन बनेपछि सेवा प्रवाह गर्न सजिलो हुने उहाँकाे विश्वास छ । मुसीकाेटका विभिन्न वडाका भवन निर्माण भईरहेका छन् ।