भिमबहादुर बुढा
रुकुम पुर्व भुमे गाउँपालिका वडा नम्बर ९ चुनवाङमा महिला तथा पुुरुष भलिबल प्रतियोगिता सहित सांस्कृतिक कार्यक्रम हुने भएको छ । युवा मिलन समुहको आठौं बार्षिकात्सवको अबसरमा फागुन २० गते देखि २५ गतेसम्म वडाको गोठिवाङमा वडा स्तरीय महिला, पुरुष भलिबल र सांस्कृतिक कार्यक्रम संचालन हुने छन् ।
भलिबल प्रतियोगितामा पुरुष तर्फ प्रथम हुनेले ३० हजार, कप मेडल र प्रमाण–पक्र द्धितिय हुनेले २० हजार कप मेडल र प्रमाण–पत्र तथा तृतिय हुनेले १० हजार, कप मेडल र प्रमाण–पत्र प्राप्त गर्ने आयोजकले जनाएको छ ।
यस्तै महिला तर्फ प्रथम हुनेले १६ हजार, कप मेडल र प्रमाण–पत्र, द्धितिय हुनेले ११ हजार, कप मेडल र प्रमाण–पत्र तथा तृतिय हुनेले कप मेडल र प्रमाण–पत्र प्राप्त गर्ने बताईएको छ । एकल नृत्यमा प्रथम हुनेलाई ५ हजार नगद र प्रमाण–पत्र, द्धितिय हुनेलाई ३ हजार नगद र प्रमाण–पत्र तथा तृतिय हुनेलाई २ हजार नगद र प्रमाण–पत्र प्रदान गरिने छ ।
लोक दोहोरी, रसाकसी, भालेरेस, घैटोफोर प्रतियोगिता पनि संचालन हुने आयोजक समुहका अध्यक्ष विकास बुढा मगरले जानकारी दिनुभयो ।
