रुकुम पश्चिमको चौरजहारी नगरपालिकामा मावि स्तरीय हाजिरी प्रतियोगिता हुने भएको छ । नगर शिक्षा युवा तथा खेलकुद शाखाको आयोजनामा माध्यमिक तह कक्षा ९–१० का विद्यार्थीका लागि प्रतियोगिता हुन लागेको हो । फागुन ३ गते बसेको नगर स्तरीय प्रधानाध्यापकहरुको बैठकको निर्णयअनुसार फागुन २४ गते प्रतियोगिता सञ्चालन हुने छ ।

प्रतियोगितामा नगरपालिका भित्रका सामुदायिक तथा संस्थागत माविले सहभागि जनाउन पाउने नगर शिक्षा, युवा तथा खेलकुद शाखा प्रमुख टिकाजंग ओलीले जानकारी दिनुभयो । नगर शिक्षा, युवा तथा खेलकुद शाखाले प्रतियोगितामा सहभागिताको लागि नगर भरका सबै माविलाई अनुरोध गरेको छ ।