रुकुम पश्चिमको मुसीकोट नगरपालिका १३ मा नेपाल कम्युनिष्ट पार्टी माओवादी केन्द्रको भातृ संगठन योङ्ग कम्युनिष्ट लिग (वाइसीयल)को वडा समिति गठन गरिएको छ । आज भएको युवाहरुको भेलाले गम्भिर खड्काको अध्यक्षतामा ५७ सदस्यीय वडा समिति बनाएको हो । जसको उपाध्यक्षमा प्रकाश रोका र भरत कलेल, सचिवमा विकाश खड्का, सह सचिवमा हिरा रोका र मोतिराम बिष्ट तथा कोषाध्यक्षमा दिपक केसी रहनुभएको छ ।
त्यस्तै भेलाले वडालाई ४ वटा टोलमा विभाजन गर्दै इन्चार्ज समेत तोकेको छ । १ नम्बर टोलमा छविलाल खड्का, २ नम्बर टोलमा मनोज खड्का, ३ नम्बर टोलमा तारक बस्याल र ४ नम्बर टोलमा हेमन्त रोकालाई इन्चार्ज तोकिएको छ । त्यस्तै भेलाबाट चैत्र ५ गते हुने वाइसीयलको मुसीकोट नगर भेलामा सहभागिताका लागि १० जना प्रतिनिधि समेत छनौट गरिएको छ । वाईसीयलका वडा इन्चार्ज मिनकुमार खड्काको संयोजकत्वमा ५९ सदस्यीय निर्वाचन समिति समेत गठन गरिएको छ ।
भेलामा नेकपा माओवादी केन्द्रका कर्णाली प्रदेश समिति सदस्य मिलन खड्का, मुसीकोट नगर अध्यक्ष धिरन शिर्पाली विमर्श, वाइसीयलका केन्द्रीय अनुशासन आयोग सदस्य भुषण रावल, वाइसीयलका नगर इन्चार्ज डम्बर थापा इन्चार्ज, सचिव राजु बिक, माओवादी केन्द्रका जिल्ला समन्वय समिति सदस्य गोपाल केसी प्रमोद, पार्टीका वडा इन्चार्ज दिपक केसी, वडा अध्यक्ष खलबहादुर खड्का, पार्टीका नगर सदस्य तिलक रोका, नगर सदस्य तथा अखिल क्रान्तिकारीका जिल्ला उपाध्यक्ष विशाल बिष्टको आतिथ्यता रहेको थियो ।
भेलाको संचालन वडा पार्टी सचिव चन्द्रबहादुर बिकले गर्नुभएको थियो ।
