प्रधानमन्त्री कप राष्ट्रिय क्रिकेट प्रतियोगितामा रुकुम पश्चिमका २ जना खेलाडि छनौट भएका छन् । माघ २ गतेबाट १७ गतेसम्म काठमाडौंमा संचालन हुने प्रतियोगिताका लागि कर्णाली प्रदेशको टिममा रुकुम पश्चिमबाट विकेट किपर व्याट्सम्यान हेमन्त ओली र बलर ताराप्रसाद गिरी(विवश) छनौट भएका हुन् । जिल्लाका ५ खेलाडि छनौट खेलमा सहभागि भएकामा २ खेलाडि छनौट भएको जिल्ला क्रिकेट संघ रुकुम पश्चिमले जनाएको छ । रबिन्द्रजङ्ग शाहीको कप्तानीमा कर्णाली प्रदेशको टिम घोषणा गरिएको छ । अहिले टिम क्लोज क्याम्पमा रहेर अभ्यास गरिरहेको छ ।
कर्णाली प्रदेशले आफ्नो पहिलो खेल माघ ४ गते त्रिभुवन आर्मि क्लव संग मुलपानी क्रिकेट मैदानमा खेल्ने छ । दोस्रो खेल माघ ६ गते गण्डकी प्रदेश संग खेल्ने कर्णालीले तेस्रो खेल माघ ९ गते प्रदेश नं. १ संग र चौथो खेल माघ १० गते शसस्त्र प्रहरी बलको एपिएफ संग खेल्ने छ । कर्णाली विभागिय टिम आर्मी र एपिएफ संगै समुह ‘ए’ मा परेको छ । कर्णालीले पहिलो र दोस्रो खेल मुलपानीमा खेल्दा तेस्रो र चौथो खेल टियू मैदानमा खेल्ने छ । यो पटक कर्णाली प्रदेशको प्रशिक्षकमा दक्षिण अफ्रिकाका पौल फरेरा नियुक्त भएका छन् । जसका कारण यो पटक कर्णालीको प्रदर्शनमा सुधार हुने अपेक्षा गरिएको छ ।
